الثلاثاء، 5 أبريل 2016

قصيدة بعنوان/بلاد العز والمجد/ بقلم الشاعر محمد‏

الشاعر محمد‏ 
بلاد العز والمجد
بلاد هتكلم عليها
يمكن اوصل لوصفي حد
بلاد الصبر والضحكة
جذور ولادها ممدودة
فى عمق الطين
بلاد النقش عالصخر
بلاد الفقر والفخر
بلد احمس وعرابى
صلاح الدين
بلد هرمها فوق عالى
ونور الفجر بيلالى
بلد فراعين
بلادى نيل بيحياها
ويديها غيطان بساتين
على نيلها عزب وكفور
وناى ماشى مع الموال
مع الساقيه تدور وتدور
ينبت ارض شرقانه
خضار وزهور
فى حضن جبلها وجمالها
معابد شمس معابد نور
وفوق بيوتها كام برج
حمام وطيور
عرفتوا مين البلد ديه
بلد عيسى بلد موسى
وجبل التور
بلد مصرى وعاش مصرى
ومات مصرى
مانخ مرة وتاخر وبيعافر
ومات مستور
بلاد الدير والازهر بلاد النور
‪#‎elkraf‬
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)