================
وحشانى ياللى رحلتى
ودا غصب عنك رحيلك
دا الهم بعدك راحلتى
وخلاص قريب ها جيلك
============
مع نفسى قاعد بفكر
وأدور فى ماضى وراح
ألاقى مزاجى معكر
ويضيق عليا البراح
============
كان يدك لدمعى بتمسح
وقلبك كان ليا يطمن
دلوقتى بعدك بيدبح
وما عدش غيرك يحنن
============
انا فاكر فرحه بعينك
عشناها وعدت ثوانى
والبسمه كانت تزينك
والكلمه كانت اغانى
============
وياكى عدت سنينى
من غير ما أعد ف شهورها
وياما كونتى تواسينى
ولروحى انتى شعورها
============
حياتناكانت سعادة وامان
والخصام كان بينا دقيقه
وقلبك لقلبى هو الحنان
وانتى لقلبى حقيقه
=============
والصبر بعدك جانى وقاللى
أصحى وأوعى ف همك تتوه
كلامك باقى معايا وفاضلى
روحتى وقلبى معاكى خدوه
=============
مقدر ولا بد عنه
ومافيش باليد حيله
مكتوب لابدمنه
والكل يبلغ رحيله
==================محمودعمار الزلبانى
ليست هناك تعليقات:
إرسال تعليق