--------------
اكتب يا قلم
ع اللي إتظلم
ع إللي إتحرم
وإللي داق المر كله
واللي غرقان في الألم
اكتب ع القساوة
وإللي عمياه الغباوة
وإللي مليان بالدناوة
وإللي ما عنده ضمير
وإللي عايش ع الأتاوة
اكتب ع القرابة
إللي صبحوا كالديابة
وإللي ناسين الغلابة
وإللي فاكرين العمر طايل
وإللي خلوا الدنيا غابة
اكتب فوق السطور
وإللي غرقوا في البحور
وإاللي حكمه كله جور
وإللي فاكر حكمه عادل
وإللي سايق ف الفجور
اكتب على هم الفقير
وإللي مش لاقي الشعير
وإللي عايش جوا بير
وإللي عامل فيها طيب
وإللي قافل ع الضمير
اكتب يا قلم
-------------محمودعمار الزلباني
ليست هناك تعليقات:
إرسال تعليق