------------------محمود عمار الزلباني
يا دنيا ليكي أنا كاره
من كتر ظلمك عليا
من وحدة ليها مكاره
---------
طب خفي ظلمك شويه
وانسيني حتى ثواني
خليتي صبحي عشيه
ومر غدرك كواني
----------
الثانية فيكي دهور
والقرب منك مرار
اللي من وشك يغور
عيشتي قلبي ف مرار
---------
علي كتفي ركبتي ندلك
وأصيلك ع الارض حافي
ظلماني ولا شوفت عدلك
يومك معكر ما صافي
------------
كحنضل سقياني مرك
عاقد في سقف حلقي
وهمك لقلبي يسرك
شاطره في شويي وسلقي
--------
بلاش يا دنيا القساوه
نفسي في حبة حنان
دا انتي عليكي غباوه
خليتي مخي ف جنان
-------------
مش قادر أكمل معاكي
مش لاقي فيكي الامان
خنقاني حتى بهواكي
جبتي لمخي الجنان
--------محمودعمار الزلباني
ليست هناك تعليقات:
إرسال تعليق