قصيدة بعنوان/مـــزاد/بقلم الشاعر الاديب عادل الشهابى

عادل الشهابى

‏28 مارس‏، الساعة ‏12:19 ص‏

مـــزاد
يالا يا ناس فُتح المزاد ....
مره واحده ومش راح يتعاد ..
عن قلب ما يعرفشى العناد ....
راح حبيبه والهم عليه ذاد ...
مزاد عن قلب ما يعرفشى الخيانه ...
قلب صبر وأستحمل يا ناس الاهانه ...
قلب أتاخد يا ناس من جوانا ...
يالا يا ناس وبدون تفكير ...
مزاد علنى ع قلب كله ضمير ...
قلب مليان دليما بالخير .....
مين قال شارى وهيدفع كام ...
مين قال شارى علشان يهدى وينام ...
عاوزين شارى بجد مش بس كلام ...
مزاد وفى جلسه علنيه ...
والشروط فى كراسه ورديه ....
تمنها حُب وصدق وحنيه ..
أصله ما يتقدرشى بأى نقديه ...
آله أونه آله دو آله تريه ....
يالا مالكم ساكتين كده ليه ...
ده قلب مش ف أى مكان راح تلاقيه ..
قلب الكل يتمنى يسكن فيه ...
ويتمنى يمسكه ويحافظ عليه ..
قلب يفرح اللى يشوفه بعنيه ..
يالا يا ناس فُتح المزاد ...
مين ذاد وقال يالا هات ...
قلب نقى ما يسببشى آهات ...
قلب ما يعرفشى طريق الخلافات ..
قلب بيحب يا ناس من سُكات ...
يالا يا ناس فتح المزاد ....
مره واحده ومش راح يتعاد ...
بقلـــــم: عـــــادل الشـــــــهـــابى