------------------------- محمودعمارالزلبانى
تمشى فى شارع
ما تعرف مين هو
ومين هيه
تلاقى نفسك فى شادر
بطيخ جنب كوسة مرميه
وخيار عامل فيها سبع
ومعاند فى ملوخية
وتلاقى مولد كبير
بس اصحابه مش هيه
اللى بيهتف حى يا سيدنا
وعيونه ع اللى معديه
واللى قال إنجزب
محتاج مراعيه
نظرة يا أم العواجز
وحمام فى بنيه
تطلع من المولد
بلا حمص وعسليه
تلاقى الشباب متكحل
ورموشه فضية
مش فارقة ولد ولا
بنت والله فاض بيا
الواد محمر شفايفه
محتاج منا ملاغيه
وماشى يتقصع بخفه
بقه شغال تقولش ربعيه
تركب مواصلة تلاقى
سلطة منقوعه فى دقيه
تكلم ولد فيها ياعينى
يرد عليك بحنيه
تلاقيك كرهت البعيد
شكله مدى أنسيه
محوط عيونه بالخضرة
باين زارعها ملوخيه
وشعره طالع لفوق
عامل فيعا قديه
حتى زغلول فى
قلب الغيط دفن الطقيه
وساب شعره يومين
فى جل وميه مغليه
وعلق مرايه على الشجرة
والفاس مرميه
وبهانه ريحاله بالغدا
تعبان فى زرعه مرويه
الميه ساقعة زلال
وكمان فرخة مشويه
شافها وقال إيه رأيك
قالت له خيبه قويه
معقول دا انت
زغلول ابوقصة ملويه
نافش كده شعرك
وعامل فيها بنيه
وسايب الارض يا بعلى
عيب كدة انت مش ليا
التقاليع مش لينا
دى تقاليع غربيه
دى تقاليع
غربيه
----- سلم يا رب
--------------------------------محمودعمار الزلبانى
ليست هناك تعليقات:
إرسال تعليق