حبيبتى مجنونه وبحبها ....
لأن فى الدنيا مفيش زيها ....
وجنانها فى الحب مزين قلبها ...
وصفوها فى الحب أنها شقيه ....
وقلبها مليان كمان بالحنيه ....
وكمان فى حبها وفيه ...
عجيبنى شقاوتها فى الحب وجنانها ....
دى هى اللى الحُسن أتخلق علشانها ....
الله عليها وعلى ضحكتها ....
بيها منوره دنيتى ودنيتها ....
مجنونه حبيبتى وبحب جنانك ...
تسلمى حبيبتى ويسلم اللى علشانى صانك ...
يالى الدنيا كلها تهون علشانك .....
حبيبتى يا ورده فى بستان ....
يا عطر ملى كل المكان ....
الحب مش بالمده ولا بالايام ...
ولا حلم حبيبتى من ضمن الأحلام ...
ولا بالأغانى وكتر الكلام .....
ملكنى حُبك من أول همسه ....
وبحلم يا حبيبتى أنا باللمسه ...
حبيتك مجنونه وشقيه ...
وقلبك أخترته يكون ليا ...
يا أغلى من كل الدنيا ديه ...
مش هتبعد بينا المسافات ....
ولا أختلاف حبيبتى اللغات ....
لأن الحب ما يعرفش مسميات ...
طريقى بقلبك مفروش ....
معقول يا حبيبتى أنا ممشهوش ؟....
ده أنتى حبيبتى اللى بحبها .....
وأتمنى فى يوم أملك قلبها ....
بقلـــــم: عـــــادل الشــــهــابى
ليست هناك تعليقات:
إرسال تعليق