____________________
باصاحب البسيط م البشر
وباعشق حفيف الشجر
لو غنى وراه كروان
................................
باحب لغة السلام
مبحبش كتير الكلام
وباعشق الالوان
................................
باحب لغة الزهور
باحب السمك فى البحور
والرفق بالحيوان
...............................
باحب الجمال والحنان
ويهمنى الانسان
ولو ملوش عنوان
___________________
حلال عقد فى المشاكل
وكنت بتشاكل مع الاه
لو قالتلى لاْ
..............................
عندى الحواس دى عديده
لاْ شديده وكمان جديده
بتساعدنى فى الوصول للحق
..............................
وبوصل لحل لمشاكلى
لو قلبى ساعتها دق
وان شفت راجل بيبكى
بيشق قلبى شق
.............................
قلمى فى ايد الناس
والم الناس بياْلمنى
ولو الصغير هان الكبير
بقوله عيب يا ابنى
ولو سالنى ضنايا
وقالى اْهدم يا بابا
بقوله لْا ابنى
ولو عدوى عجبنى
بقول عدوى عاجبنى
عندى الحواس دى ومتهم
والكل تاهمنى
العقل قرر يسيبنى
خلاص وتاه منى
لو حد فاهم يا ناس
يا ريت يفهمنى
يا ريت يفهمنى
____________________
بقلم / السيد امين
ليست هناك تعليقات:
إرسال تعليق