--------------------------
والدة الطالب فلان موجوده
والطالب اكيد موجود
ومامته جنبه بحنانها
ماليه عليه الوجود
بيكرموها الحاضرين
وبيبقى يوم مشهود
اليوم مهوش للحسابين
اليوم دا للموعود
ربنا يديكى طولة العمر
يا غاليه
لان بحياتك انا
هافضل دائما موجود
-----------------------
فى كل عام
احتفال الناس بالحاضر
وانا زى كل البشر
فى عيدك باكون حاضر
مفيش حد فكر يكرم
الام اللى راحت ليه
مع ان هيا اساس
الماضى والحاضر
متزعليش منهم يا صابره
ابنك كمان صابر
انا هاحتفل بامك يا امى
وهروح لستى على المقابر
--------------------------
بيعملو يوم لليتيم
فى كل سنه يا امه
بيبقى فيه ناس كتير
ناس عامه وناس هامه
وناس بحال اليتيم
بتبقى مهتمه
واحد بيفرح
بشكل الناس وباللمه
ويتيم بيرضيه حضور
الخاله والعمه
وواحد بيسرح
فى شكل الناس وبيتذكر
شكل الحنان اللى كان
والحضن والضمه
الف رحمه ونور عليهم
وربنا يرضى الجميع
ويكرمك يا امه
ربنا يكرمك يا امه
--------------------------
بقلم السيد امين
ليست هناك تعليقات:
إرسال تعليق