قصيدة بعنوان/فى عيدك يا أمى/بقلم الشاعر الاديب عادل الشهابى

عادل الشهابى

5 ساعة

فى عيدك يا أمى
جيت يا أمى فى عيدك ....
أسلم وأبوس إيدك .....
وفى قيام الليل أصلى وأدعيلك ...
يالى الحُب والحنان من ينابيعك ...
فى عيدك جايبلك ورود ....
وأتمنى الأيام الحلوه تعود ....
ويبعدك عنك يا أمى كل حسود ...
أمى يالى الجنه تحت أقدامك ...
جعلها ربنا علشان يبين شانك ...
يالى الروح تهون علشانك ...
أمى يا مطيبه أوجاعى ...
يا منوره دنيتى يا قوة فى دراعى ...
أمى يا حنينه وعينك دايما تراعى ...
مهما نعمل حققك مش هنوفيه ...
يا قلب طيب أنا عايش فيه ...
يا حضن دافى أنا بين إديه ...
يا كنز غالى أنا لازم أحافظ عليه ...
يا نهر حُب برتوى أنا منيه ...
يا أمى مش لاقى كلام يوفيكى ...
يا فرحه وأمان شايفها فى عنيكى ...
نفسى أعطر شفايفى ببوس يا أمى إديكى ..
يالى فى منامى كمان بناديكى ...
كل سنه وأنتى طيبه ...
وكل عام وأنتى من القلب قريبه ...
يا أمى فى عيدك جيت أهنيكى ....
وأبوس إيدك وأرتمى تحت رجليكى ...
كل سنه وأنتى طيبه ....
بقــــــلم : عـــــادل الشــــــهـــابى