قصيدة بعنوان/محتاجلك يا أمى/ بقلم الشاعر الاديب عادل الشهابى

عادل الشهابى

9 ساعة

محتاجلك يا أمى
محتاجلك يا أمى محتاجلك .....
فى ليلى ونهارى بندهلك ...
يالى الخير راح من بعدك ....
محتاجلك يا أمى تضمينى ....
وبنورك تتملى عينى ...
وبوجودك يا أمى تحلى سنينى ...
ليه روحتى يا أمى وسبتينى ....
ومن يومها الدمعه ما فارقت عينى ...
يا أمى محتاج لحنانك ....
ومره أقف قدامك ...
وحشنى يا أمى كلامك ...
تعبان يا أمى من غيرك ...
وكنت عايش أنا فى خيرك ...
روحتى ومن بعدك راحت الحنيه ....
ومعاها راح النور من عنيه ...
روحتى يا فرحه راحت ومش جايه ...
فين لما كنت بحط راسى على رجليكى ...
وكنتى بترقينى ياما بأديكى ...
يا أمى مشتاق أسمع أنا صوتك ...
وعارف أن مش بأيدك ياما سكوتك ...
ولا بأيدك قدرتى يا غاليه موتك ....
محتاجلك بجد أنا محتاجلك ....
وكل ما فيا يا أمى بينداهلك ...
يالى كل شىء جميل راح من بعدك ...
بقلـــــم: عـــــادل الشـــــهــابى